ನನ್ನ ಖುಷಿಗಾಗಿ ..

ಮುಲಾಮು : 

ಶುರುವಾಗಿದೆ ನೂತನ ಯಾತನೆ 

ಮಾಡಿತಿಹುದು ಗಾಯವ ನನ್ನೆದೆಯಲ್ಲಿ 

ನಿನ್ನ ಜೊತೆಗಿನ ನೆನಪುಗಳು ಹವಣಿಸುತ್ತಿದೆ 

ಮನ ಬಂದು ಉಪಚರಿಸು ನೀ ನನ್ನ ಪ್ರೀತಿಯ

ಮುಲಾಮಿನಿಂದ ಸರಿಪಡಿಸು ಹಸಿಗಾಯ 

ನಿನ್ನ ನಲ್ಮೆಯ ಮನಸ್ಸಿನಿಂದ.

ಅಪಹರಿಸು : 

ಕಳೆದುಹೋಗುವ ಭಯ ಕಾಡುತಿಹುದು 

ನನ್ನಲ್ಲಿ ದಿನದಿಂದ ದಿನಕ್ಕೆ ಎದೆಯ 

ಸಮೀಪಿಸುತಿರುವೆ ನೀ ನನ್ನ ಅಪಹರಿಸಲು 

ಕಳೆದು ಹೋದರು ಚಿಂತೆಯಿಲ್ಲ 

ಆದ್ರೆ ಭಂದಿಯಾಗುವ ಹೃದಯ ನಿನ್ನದಾಗಲಿ ..

ಗಂಟುಮೂಟೆ :

ಯಾವಾದಕ್ಕೂ ತಡೆಯದೆ ನಡೆ ನೀ 

ಗಂಟುಮೂಟೆ ಕಟ್ಟಿಕೊಂಡು ನೂತನ 

ಆಯಾಮಕ್ಕೆ ಸದಾ ಹೊಸ ಪಯಣದ 

ಬದುಕಿನ ಬಂಡಿಗೆ ಏರಿ ಸಾಗುತಿರು 

ಮುಂದೆ ನೂತನ ಒಲವಿಗೆ ಮನದ 

ಉತ್ಸಾಹಕ್ಕೆ ನಗುವಿಗೆ ಏಳ್ಗೆಯ ಶಿಖರಕ್ಕೆ ..

ತಂಗಾಳಿ : 

ನನ್ನೆದೆಯಲ್ಲಿ ತಂಗಾಳಿ ಬೀಸುವ ಸದ್ದಾಗುತ್ತಿದೆ 

ನಿನ್ನಲುಮೆ ಕಾಲಿಟ್ಟಿದೆ ಸದ್ದಿಲ್ಲದೇ ಕೇಳುತಿಹುದು

ಪಿಸುಮಾತುಗಳು ನೀ ಸನಿಹ ಬಂದಿರುವೇ 

ನನ್ನೆದೆಯಾ ಒಡಲಲ್ಲಿ ಪರಿವೆಯಿಲ್ಲದೇ ..

ಸದ್ದು : 

ಗುಡಿಯೊಳಗಿನ ಗಂಟೆಗಳ ಹಾಗೆ 

ಸದ್ದು ಮಾಡುತಿವೆ ನಿನ್ನ ನೆನಪುಗಳು 

ಒಬ್ಬರಾದ ಮೇಲೆ ಒಬ್ಬರು ಬಂದು 

ಬಾರಿಸುವ ಹಾಗೆ ಒಂದಲ್ಲ ಒಂದು 

ನೆಪ ನಿನ್ನನ್ನು ನೆನಪಿಸುತಿವೆ..

ಪುಸ್ತಕ : 

ಸಿಲುಕಿಕೊಂಡಿರುವೆ ನಶೆಯಲ್ಲಿ 

ಪ್ರೇಮವೂ ಅಲ್ಲ ಪ್ರೀತಿಯು ಅಲ್ಲ. 

ಸಿಲುಕಿಕೊಂಡಿರುವೆ ಗಳಿಕೆಯಲ್ಲಿ

ಹಣ ಆಸ್ತಿ ಅಂತಸ್ತು ಗಳಿಕೆ ಅಲ್ಲ.

ಸಿಲುಕಿಕೊಂಡಿರುವೆ ಚಟಕ್ಕೆ

ಧೂಮ ಮದ್ಯಪಾನವು ಅಲ್ಲ.

ಸಿಲುಕಿಕೊಂಡಿರುವೆ ಪುಸ್ತಕಗಳ ನಶೆಯಲ್ಲಿ

ಜ್ಞಾನದ ಗಳಿಕೆಯಲ್ಲಿ ಓದುವ ಚಟದಲ್ಲಿ 

ಒಂದು ಒಂದುಬಗೆಯ ಅಮಲಿನಲ್ಲಿ ..